Phishing attack එකක් හරහා ඩොලර් මිලියන 1.7ක් වටිනා NFT tokens 250කට අධික ප්‍රමාණයක් සොරකම් කරයි
ප්‍රහාරකයින් පිරිසක් විසින් Opensea පරිශීලකයින්ගෙන් NFT සියගණනක් සොරකම්කර ඇත. Blockchain ආරක්ෂණ සේවාවක් වන PeckShield විසින් සම්පාදනය කර ඇති වාර්තාවකට අනුව tokens 254 කට අධික සංඛ්‍යාවක් සොරකම් කර ඇති අතර ඒවා අතර Decentraland සහ Bored Ape Yacht Club හි tokens ද ඇතුළත්ය.
මෙම ප්‍රහාර වලින් වැඩි සංඛ්‍යාවක් සිදුවී ඇත්තේ 5PM - 8PM(ET) වන අතර ඉලක්ක වුණු පරිශීලකයින් ගණන 32 කි. Blog Web3 පවත්වාගෙන යන Molly White ගණනය කර ඇති ආකාරයට මෙම සොරකම් කර ඇති tokens වල වටිනාකම ආසන්න වශයෙන් ඇමෙරිකානු ඩොලර් මිලියන 1.7 පමණ වන බවයි.
ඉතින් මේ Opensea සමාගම කියන්නෙ ඩොලර් බිලියන 13 ක වටිනාකමකින් යුත් NFT හි ප්‍රචලිතවීමත් සමග එහි වටිනාම සමාගම් අතරට පැමිණුනු සමාගමක්.
ප්‍රහාරය සිදුවන අවස්ථාවවේ Opensea සමාගම විසින් ඔවුන්ගේ Contract System එක update කරමින් සිට ඇති නමුත්, එය නව contracts නිසා සිදුවූ බව ඔවුන් ප්‍රතික්ෂේප කරයි.
කෙසේ නමුත් ප්‍රහාරයට හේතුව තවම නිශ්චිතව හදුනාගෙන නොමැති අතර ඒ පිළිබදව සොයාගන්නා නවතම තොරතුරු පිළිබදව ඉදිරියේදි දැනුවත් කරන බවත් එම සමාගම පවසනවා.
Source: The Verge
