Twitter සමාගමේ CEO තනතුරෙන් ඉවත්වීමට සූදානම් බව Elon Musk ප්රකාශ කරයි
තාක්ෂණික ලොව පිළිබඳව විමසිල්ලෙන් සිටින ඔබ දැනටමත් දන්නවා Twitter සමාජ මාධ්ය ජාලය පසුගිය ඔක්තොම්බර් මාසයේදි Elon Musk විසින් ඩොලර් බිලියන 44ක මුදලක්ට මිලදීගත් බව. ඉන් අනතුරුව මේ දක්වාම තාක්ෂණික ලොව තුළ පුවත් රාශියක් මවන්නට Elon Musk සහ Twitter සමාගම සමත් වු බවට ඔබට මතක ඇති.
ඉන් පළමු වැන්න ලෙස මෙලෙස Twitter සමාගම මිලදී ගැනිමත් සමග එහි සේවය කළ Parag Agrawal, Ned Segal, Vijaya Gadde සහ Sean Edgett වැනි විධායක ශ්රේණියේ පුද්ගලයින් කිහිපදෙනෙකුව නෙරපා හැරීම දැක්විය හැකියි. මීට අමතරව ඔහු විසින් සමාගමේ සේවක කප්පාදුවක් සිදු කිරීම සදහාත් සැළසුම් කර ඒ බව සමාගමේ සමහර සේවකයින් සදහා E-mail මාර්ගයෙන් දැනුම් දී ඇති බවත් ඒ සමගම ලොව පුරා තිබෙන Twitter සමාගමේ කාර්යාලවල කටයුතු තාවකාලිකව නවතා දමා ඇති බවට ද තොරතුරු වාර්තා වුවා.
එමෙන්ම ඔහු විසින් මුදල් ගෙවා Twitter Verification Badge එක ලබා දීම ආරම්භ කළ අතර, මේ පිළිබඳ සමාජ මාධ්යයන් සියල්ල තුළම විවිධ අදහස් පළ විම සිදු වුවා. මෙහිදි බොහෝ විචාරයකයින් විසින් දක්වා සිටියේ Twitter සමාජ මාධ්යයේ ගුණාත්මකබාවයට මේ හරහා සෘජුව බලපෑම් එල්ල විය හැකි බවයි. එමෙන්ම මෙලෙස මුදලට Twitter Verification ලබා දීමට Twitter සමාගම සුදානම් බවට නිවේදනය කිරීමත් සමග ඇතැම් ජනප්රිය පුද්ගලයන් Twitter හැර යාමේ ප්රවණතාවක් ද ඇති වු බවට ඔබට මතක ඇති.
එමෙන්ම පසුගිය දිනක Twitter සමාජ මාධ්යය තුලින් ජනමාධ්යවේදීන් කිහිප දෙනෙකුම ඉවත් කිරිමට කටයුතු කිරිම පිළිබඳවත් එක්සත් ජාතීන්ගේ සංවිධානය සහ යුරෝපා සංගම විසින් ඔවුන්ගේ විරැද්ධත්වය ප්රකාශ කරනු ලැබු අතර යුරෝපා සංගමට දක්වා සිටියේ Twitter සමාගමේ මෙවැනි ක්රියාවන්ට විරැද්දව සම්බාධක පවා පැණවිය හැකි බවයි.
News about arbitrary suspension of journalists on Twitter is worrying. EU’s Digital Services Act requires respect of media freedom and fundamental rights. This is reinforced under our #MediaFreedomAct. @elonmusk should be aware of that. There are red lines. And sanctions, soon.
— Věra Jourová (@VeraJourova) December 16, 2022
කෙසේ වෙතත් මෙලෙස Twitter සමාජ මාධ්ය සහ Twitter සමාගම සදහා ඔහු විසින් සිදු කරන ලද වෙනස්කම් පිළිබඳව බොහෝ පාර්ශවයන් තුලින් විවේචන එල්ල වු අතර එහි ප්රතිඵලයක් ලෙස පසුගිය දෙසැම්බර් 19 වන දින Elon Musk විසින් ඔහුගේ නිල Twitter ගිණුම ඔස්සේ සටහක් තබා තිබුණේ ඔහු විසින් Twitter සමාගමේ CEO තනතුරෙන් ඉවත් විය යුතුද යන්න පිළිබඳ විමසින් මත විමසුමක් ( Poll ) සටහන් කර තිබුණා.
Should I step down as head of Twitter? I will abide by the results of this poll.
— Elon Musk (@elonmusk) December 18, 2022
දෙසැම්බර් (21) දිනය වන විට ඔහු විසින් Twitter සමාගමේ CEO තනතුරෙන් ඉවත් විය යුතු බවටයි 57% පමණ ප්රතිචාර ලැබි තිබුණේ. ඒ අනුව ඔහු විසින් නැවතත් ඔහුගේ නිල Twitter ගිණුම ඔස්සේ සටහනක් තබා තිබෙන්නේ Twitter සමාගමේ CEO තනතුර ලබා දීමට සුදුසු පුද්ගලයකු ලැබුණු වහාම ඔහු විසින් ඉන් ඉවත් වන බවටත්, ඉන් අනතුරු ඔහු Twitter හි software සහ Servers teams පිළිබඳව පමණක් කටයුතු කිරිමට බලාපොරොත්තු වන බවයි.
I will resign as CEO as soon as I find someone foolish enough to take the job! After that, I will just run the software & servers teams.
— Elon Musk (@elonmusk) December 21, 2022
මෙලස Elon Musk විසින් Twitter සමාගමේ CEO තනතුරෙන් ඉවත් වී වෙනත් ගැලපෙන පුද්ගලයකු සදහා එම තනතුර ලබා දීමට සුදානම් බව දක්වා තිබුණත් මේ දක්වා Twitter සමාගමේ CEO තනතුර ලබා දේද යන්න පිළිබඳ තොරතුරු වාර්තා වි නොමැති වනවා. කෙසේ වෙතත් ඔහුගේ මෙැවිනි තීරණ ඉක්මනින් වෙනස් කිරිම් ද මීට පෙර සිදු වි ඇති බැවින් ඔහුගේ මෙම තීරණය ද සමහර විට ඉදිරියේදි වෙනස් විමට ඉඩකඩ ඇත.
අලුත් CEO කෙනෙකු යටතේ මේ වන විට මදක් පසු බා සිටින Twitter සමාජ මාධ්යයේ අනාගතය ඉදිරියේදි කුමක් වේදැයි අදහස් බෙදා ගන්න එන්න අපේ Android වැඩකාරයෝ Forum එකට.
Sources: www.nytimes.com www.theguardian.com
