WhatsApp හරහා HD පින්තූර යැවීමේ පහසුකමක් අත්හදා බැලීමට කටයුතු කරයි
විශාල ප්‍රමාණයේ ඡායාරූප කුඩා ප්‍රමාණයකින් වත් ගුණාත්මකභාවය අඩු නොවී HD පින්තූර යැවීමේ විශේෂාංගයක් WhatsApp beta වෙත ලබාදීමට Meta සමාගම කටයුතු කර තිබෙනවා.
මීට මාස කිහිපයකට පෙර Meta සමාගම විසින් WhatsApp හරහා Original Quality එකෙන් යුතුව ඡායාරූප යැවිමේ හැකියාව ලබා දුන් බව අප වාර්තා කළා ඔබට මතක ඇති.
Bhasura Nuwan Kularathna
කෙසේ වෙතත් එහිදී ද ඉතා ඉහළ Resolution වලින් යුතු ඡායාරූපවල ගුණාත්මක බව තරමක් දුරට අඩුවීමක් සිදුවනු ලැබුණා. මෙයට පීළියමක් වශයෙන් කුඩා ප්‍රමාණයකින් වත් ගුණාත්මකභාවය අඩු නොවී HD පින්තූර යැවීමේ හැකියාව ලබාදීමට Meta සමාගම කටයුතු කර තිබෙනවා.
ඉහත Screenshot එකේ ඇති ආකාරයට ඔබ විසින් ඡායාරූපයක් යැවීමේදී එය HD Quality එකෙන් යැවිය යුතු බවට ඔබට Select කිරීමට සිදු වනවා. ඊට අමතරව එය Send කිරීමෙන් අනතුරුව එය යවන්නාට මෙන්ම ලබන්නාට ද එය HD ඡායාරූපයක් බවට සලකුණක් මඟින් නිරූපණය කරනු ලබනවා. කෙසේ වෙතත් මේ විශේෂාංගය ක්‍රියාකරනු ලබන්නේ ඡායාරූප සඳහා පමණක් වන අතර ඔබ Video යැවීමේදී ඒවා සුපුරුදු ලෙසින්ම Compress වීම සිදු වනු ලබනවා.
තවමත් මෙය සංවර්ධන මට්ටමේ පවතින නිසා Android/iOSහි තෝරාගත් Beta පරිශීලකයන්ට පමණක් නිකුත් කර ඇති අතර මෙය ඉදිරියේදි Stable සංස්කරණයක් මගින් සෑම WhatsApp පරිශීලකයෙකුටම ලබා ගත හැකි අයුරින් නිකුත් කරනු ඇතැයි බලාපොරොත්තු විය හැක. ඒ පිළිබඳව දැනුවත් වීම සඳහා Android වැඩකාරයෝ අප සමග රැඳී සිටින්න.
Source: wabetainfo.com
