මිලියන 500කට අධික පරිශීලකයන්​ගේ දත්ත වෙන්දේසියට දමමින් WhatsApp දත්ත leak ​වේ

මිලියන 500කට අධික පරිශීලකයන්​ගේ දත්ත වෙන්දේසියට දමමින් WhatsApp දත්ත leak ​වේ

නොවැම්බර් 16 වන දින පුද්ගලයෙකු විසින් ප්‍රසිද්ධ Hacking Community Forum එකක පල කල Post එකක් සමගින්  WhatsApp හී පරිශීලක ගිණුම් මිලියන 487 ක දත්ත විකුණන බව වාර්තා වුවා.

මෙම දත්ත රටවල් 84ක WhatsApp පරිශීලක දත්තවලින් යුතු බවට ද වාර්තා වන අතර ඒ තුල එක්සත් ජනපද පරිශීලක වාර්තා මිලියන 32 කට අධික ප්‍රමාණයක් ඇතුළත් කර ඇති බවත් තවද,

  • ඊජිප්තුව දත්ත මිලියන 45ක්
  • ඉතාලිය දත්ත මිලියන 35ක්
  • සෞදි අරාබිය දත්ත මිලියන 29ක්
  • ප්‍රංශය දත්ත මිලියන 20ක්
  • තුර්කිය දත්ත මිලියන 20ක්

ලෙසින් දත්ත මේ සඳහා ඇතුළත් වන බවත් එම Post එකෙහි සඳහන් කර තිබෙනවා.

තවද ඒ තුල රුසියානු දුරකථන අංක මිලියන 10 කට ආසන්න සංඛ්‍යාවක් සහ එක්සත් රාජධානියේ (UK) පුරවැසියන්ගේ දුරකථන අංක මිලියන 11 කට වඩා ඇති බවටද වාර්තා කරනවා.

මෙය පළ කළ පුද්ගලයා සයිබර් නිවුස් වෙත පවසා ඇති ආකාරයට,

  • එක්සත් ජනපදයේ පරිශීලක දත්ත - ඇමෙරිකානු ඩොලර් 7,000 කටද
  • එක්සත් රාජධානියේ පරිශීලක දත්ත - ඇමෙරිකානු ඩොලර් 2,500
  • ජර්මනියේ පරිශීලක දත්ත - ඇමෙරිකානු ඩොලර් 2,000 කට ද විකුණන බව සඳහන් වේ.

මෙම තත්වය පදනම් කරගෙන Meta සමාගම විසින් අනෙකුත් පරිශීලකයන්ට පවසා සිටින්නේ නොදන්නා අංකවලින් ලැබෙන පණිවිඩ සහ ඇමතුම් පිලිබදව ප්‍රවේසම් වන ලෙසයි. තවද දත්ත විකුණුම්කරුවන් Cybernewsහි පර්යේෂකයන් සමග බෙදා ගත දත්ත සමුහයක UK පරිශීලක අංක 1097ක් සහ US පරිශීලක අංක 817ක්ද වූ අතර ඒවා Whatsapp අංක බවටද තහවුරු කරනු ලැබුවා. මෙහෙදී දත්ත විකුණුම්කරු ඔවුන් දත්ත ලබා ගත් ආකාරය කෙසේදැයි කිසිදු ආකාරයකින් සඳහන් කර නැහැ.

WhatsApp users by Country

කෙසේ වෙතත් Meta සමගම විසින් තෙවන පාර්ශවයන්ට පරිශීලක දත්ත ලබාදීම හෝ එකතු කිරීමට ඉඩ දීම සම්බන්ධයෙන් දිගු කලක් තිස්සේ විවේචනයට ලක් වෙමින් සිටී. තවද ඔවුන් තුලින් Dark Forum එකක් සදහා මිලියන 533 කට අධික පරිශීලක වාර්තා කාන්දු වී ඇති බවද වාර්තා වනවා.

අවසාන වශයෙන්, Cybernews පර්යේෂණ කණ්ඩායමේ ප්‍රධානී Mantas Sasnauskas මහතා පවසා සිටියේ Meta වැනි දැවැන්ත තාක්ෂණික සමාගම් විසින් ඔවුන්ගේ පරිශීලක දත්ත ආරක්ෂා කර ගැනීම සදහා ගත හැකි සියලු ක්‍රියාමාර්ග ගත යුතු බවයි.

Source: cybernews.com www.ndtv.com

Read more

ජනාධිපති රනිල් Elon Musk හමුවේ, Starlink ශ්‍රී ලංකාවේ ස්ථාපන​ය ගැන සාකච්​ඡා

ජනාධිපති රනිල් Elon Musk හමුවේ, Starlink ශ්‍රී ලංකාවේ ස්ථාපන​ය ගැන සාකච්​ඡා

10වන ලෝක ජල සමුළුවට සහභාගී වීම සඳහා ඉන්දුනීසියාව බලා පිටත් වු ජනාධිපති රනිල් වික්‍රමසිංහ මහතාට SpaceX සමාගමේ CEO වෙන Elon Musk මහතා හමුවී තිබෙනවා. එහිදී Elon

By Bhasura Nuwan Kularathna
Honor, Nothing, OnePlus, Oppo, Realme, vivo සහ Xiaomi Smartphones සඳහාත් Android 15 Beta සංස්කරණයන් ලබා දීම ආරම්භ කරයි

Honor, Nothing, OnePlus, Oppo, Realme, vivo සහ Xiaomi Smartphones සඳහාත් Android 15 Beta සංස්කරණයන් ලබා දීම ආරම්භ කරයි

Google සමාගම විසින් ඔවුන්ගේ නවතම Android සංස්කරණය වන Android 15 දෙවන Beta සංස්කරණය නිකුත් කරන්න මේ වන විට කටයුතු කර තිබෙනවා. එමෙන්ම මෙම Beta සංස්කරණය අත්විදීමේ හැකියාව Google සමාගමේ Pixel Devices සඳහා පමණක් සිමා නොවනවා.

By Bhasura Nuwan Kularathna
Google සමාගම විසින් ඩොලර් බිලියන 125ක පමණ වටිනාකමකින් යුතු විශ්‍රාම වැටුප් අරමුදලක් වැරදීමකින් මකා දමයි

Google සමාගම විසින් ඩොලර් බිලියන 125ක පමණ වටිනාකමකින් යුතු විශ්‍රාම වැටුප් අරමුදලක් වැරදීමකින් මකා දමයි

Google සමාගම විසින් මෑතකදී UniSuper නම් ඕස්ට්රේලියානු විශ්‍රාම වැටුප් අරමුදලට අදාලව ඩොලර් බිලියන 125කට ආසන්න වටිනාකමකින් යුතු Private Google Cloud ගිණුමක් වැරදීමකින් මකා දමා තිබෙනවා.

By Bhasura Nuwan Kularathna