Xiaomi සමාගම සහ තවත් සමාගම 8ක් චීන යුධ සමාගම් ලෙස සලකා ඇමරිකානු රජය විසින් අසාදු ලේඛන ගත කරයි

Xiaomi සමාගම සහ තවත් සමාගම 8ක් චීන යුධ සමාගම් ලෙස සලකා ඇමරිකානු රජය විසින් අසාදු ලේඛන ගත කරයි

ඇමරිකානු රජය විසින් චීන සමාගම් වෙත සිදු කරන වෙළඳ සම්බාධක තවදුරටත් තර කරමින් චීනයේ දුරකතන නිපදවන තවත් විශාල සමාගමක් වන Xiaomi සමාගම ඇතුලුව තවත් සමාගම් කිහිපයක් වෙත සම්බාධක පැනවීමට අද දින කටයුතු කර තිබෙනවා.

Reutersහි පලවූ වාර්තාවට අනුව Xiaomi සමාගම චීන හමුදාවන්ට ඍජුව සම්බන්ධතා පවතින බැවින් මෙම තීරණය ගෙන ඇත. මීට පෙර ඇමරිකානු රජය විසින් Huawei, ZTE සහ අනෙකුත් සමාගම් වලට පැනවූ තහනම් සහ සම්බාධක වලට හාත්පසින්ම වෙනස් වන නමුත් මෙවැනි සම්බාධක ලොවට අළුත් සිදු වීම් නොවේ.

මෙම තහනම සමඟ Xiaomi සමාගමට කුමක් සිදුවේද? Android සහය නොලැබේද? ඇමරිකාව තුල Xiaomi ජංගම දුරකතන ආනයනය තහනම් කෙරේද?

පිලිතුර නැත. Xiaomi සමාගමට තවමවත් ඔවුන්ගේ නිෂ්පාදනයන් ඇමරිකාව වෙත අපනයනය කිරීම සිදු කල හැකි අතර ඇමරිකානු තාක්ෂණය භාවිතා කරමින් නිපදවන චිප්සෙට් භාවිතා කිරීමේ තහනමක්ද පැනවීමක් දැනට සිදු නොවනු ඇත.

ඇත්තටම මෙහිදී සිදුවන්නෙ Xiaomi සමාගම සහ අනෙකුත් සමාගම 8 “Communist Chinese military companies” ලෙස වර්ගීකරණය කිරීමයි. ඒ අනුව මින් ඉදිරියට ඇමරිකානු ආයෝජකයන් හට මෙම සමාගම 8 වෙත ඔවුන්ගේ මුදල් ආයෝජනය කිරීම සිදු කල නොහැකි අතර, සමාගම කොටස් මිලදී ගැනීම පවා වැලකී යනු ඇත. එමෙන්ම මේ වන විටත් ඇමරිකානු ආයෝකයන විසින් Xiaomi සමාගම වෙත ආයෝජනය කර ඇති නම්, එම ආයෝජන එම සමාගම වෙතින් ඉවත් කර ගැනීමට 2021 නොවැම්බර් මස 11 වන දින දක්වා කාලය හිමිවී ඇත. මෙය අනෙකුත් සමාගම් 8ටද බල පැවැත්වෙන බව Reutersහි පලවූ වාතාවේ සඳහන් වෙනවා.

මේ ආකාරයට සමාගම අසාදු ලේඛන ගත කිරීම සහ ආයෝජන ඉවත් කරගැනීම සඳහා වන නීතී මීට මාස කීපයකට පෙර වත්මන් ඇමරිකානු ජනපති වන ඩොනල්ඩ් ට්‍රම්ප් විසින් සම්පාදනය කල නීතීන්ට අනුව සිදු කර ඇත.

මේ වන විට ඇමරිකානු ජනාධිපතිධූරය සඳහා තේරී පත් වී ඇති Joe Bidenගේ ධූර කාලය 2021 ජනවාරි 20 වන දින සිට ආරම්භ වීමට නියමිත අතර ඔහු විසින් මෙම තහනම් නියෝග සියල්ලම ඉවත් කරගනු ඇතැයි ලෝක ආර්ථික විශේෂ්ඥයන් විසින් මත පල කරනවා.

තම සමාගම මේ ආකාරයට අසාදු ලේඛන ගත කිරීම පිලිබඳව Xiaomi සමාගම තවමත් නිල නිවේදනයක් සිදු කර නොමැත.

Sources: Reuters, Gizmochina, Techcrunch

Read more

Gemini 1.5 Pro දැන් රටවල් 180කටත් වැඩි ප්‍රමාණයකට

Gemini 1.5 Pro දැන් රටවල් 180කටත් වැඩි ප්‍රමාණයකට

Google ආයතනය මීට මාස දෙකකට පමණ කලින් Gemini 1.5 Model එක Google AI Studio එක හරහා පරීක්ශා කිරීමේ පහසුකම developers ලට ලබා දී තිබුනා. 2024/04/09 එනම් ඊයේ දින රටවල් 180ට වඩා වැඩි ප්‍රමා

By Chanaka Prasanna
Apple සමාගම විසින් ඔවුන්ගේ Vintage සහ Obsolete නිෂ්පාදන ලැයිස්තුව යාවත්කාලීන කරයි

Apple සමාගම විසින් ඔවුන්ගේ Vintage සහ Obsolete නිෂ්පාදන ලැයිස්තුව යාවත්කාලීන කරයි

Apple සමාගම විසින් පසුගිය පළමු වැනිදා ඔවුන්ගේ vintage products සහ obsolete products ලැයිස්තුව යාවත්කාලීන් කර තිබෙනවා. මොනවද මේ vintage products සහ obsolete products කියන්නේ ? Apple සමාගම වි

By Bhasura Nuwan Kularathna
Incognito Mode එක හරහා එකතු කර ගබඩා කර ගත් පරිශීලක දත්ත විනාශ කිරීමට Google සමාගම එකඟ ​වේ

Incognito Mode එක හරහා එකතු කර ගබඩා කර ගත් පරිශීලක දත්ත විනාශ කිරීමට Google සමාගම එකඟ ​වේ

2020 වසරේ දී Google සමාගමට විරුද්ධව පරිශීලකයන් පිරිසක් නඩුවක් ගොනු කළ අතර ඒ තුලින් ඔවුන් එම සමාගමට චෝදනා කලේ Google හි ඇති “Incognito mode” මගින් පරිශීලකයන්ගේ දත්ත රැස් කරන

By Anjana Dineth