එක SIM එකක් හරහා Dual SIM භාවිතා කිරීමේ නව තාක්ෂණයක් සොයා ගැනේ
තාක්ෂණික දියුණුවත් සමඟ මේ වන විට බොහෝ පුද්ගලයින් තමන්ගේ දෛනික අවශ්යතා සපුරා ගැනීම සඳහා Smart phone භාවිත කරනු ලබනවා. එලෙස භාවිත කරන බොහෝ Smart phonesවල SIM Card දෙකක් අඩංගු වීම මේ වන විට සාමාන්ය දෙයක් වි තිබෙනවා.
![එක SIM එකක් හරහා Dual SIM භාවිතා කිරීමේ නව තාක්ෂණයක් සොයා ගැනේ](/content/images/size/w1200/2024/02/new-SIM-tech-lets-you-use-a--backup--SIM-on-your-SIM-card.webp)
තාක්ෂණික දියුණුවත් සමඟ මේ වන විට බොහෝ පුද්ගලයින් තමන්ගේ දෛනික අවශ්යතා සපුරා ගැනීම සඳහා Smart phone භාවිත කරනු ලබනවා. එලෙස භාවිත කරන බොහෝ Smart phonesවල SIM Card දෙකක් අඩංගු වීම මේ වන විට සාමාන්ය දෙයක් වි තිබෙනවා.
ඒ වගේම මේ වන විට මෙලෙස භාවිත වු Dual Physical SIM Cards වෙනුවට එක Physical SIM Card එකක් සහ තවත් එක eSIM එකක් භාවිත කරන්න බොහෝ දෙනා පුරුදුව සිටිනවා. ඒ Physical SIM Card මෙන් සම්බන්ධතාවය වෙනස් කිරීමට SIM Card එක මාරු කිරීම වෙනුවට සරලව On හෝ Off කිරීම ඔස්සේ අවශ්ය සම්බන්ධතාවය සක්රිය කර ගත හැකි විම නිසයි.
මේ eSIM සහ SIM Card එකේ අනාගතය වන iSIM පිළිබඳව අප මීට පෙර ඔබ වෙත ගෙන ආ ලිපිය තුළින් වැඩි විස්තර ලබා ගත හැකියි. ඒ වගේම ඔබගේ දුරකථන අංකය සඳහා eSIM එකක් සදා ගන්නේ කෙසේද යන්නත් මේ ඔස්සේ ඔබට තොරතුරු ලබා ගත හැකියි.
![](https://res.cloudinary.com/androidwedakarayo/image/fetch/https://backend.androidwedakarayo.com/content/images/2022/11/present-day-of-sim-cards-and-the-future.jpg)
![](https://res.cloudinary.com/androidwedakarayo/image/fetch/https://backend.androidwedakarayo.com/content/images/2023/08/how-to-get-esim-for-your-phone-number-in-sri-lanka-androidwedakarayo.jpg)
කෙසේ වෙතත් Physical හෝ eSIM දෙවර්ගයම භාවිත කරන ඔබ මුහුණ දෙන ප්රධාන ගැටලුවක් වන්නේ එම SIM Card හෝ eSIM එක සඳහා දුරකථන සේවා සපයන සමාගමේ ආවරණ කලාපයෙන් හෝ දුරකථන සේවා බිද වැටිම්වලට ලක් වීමයි. මේ නිසා ඔබට ඇමතුම් හෝ පණිවිඩ යැවිමේ / ලැබිමේ හැකියාව අහිමිව යනවා.
මෙම ගැටලුව ලංකාව තුළ ජීවත් වන ඔබට නම් අලුත් දෙයක් නොවන අතර මේ ගැටලුවට පිළියමක් ලෙස හඳුන්වා දී ඇති නව SIM තාක්ෂණය සමග එක SIM Card එකක් ඔස්සේ SIM දෙකක් භාවිත කිරීමේ හැකියාව ලැබෙනවා.
![](https://backend.androidwedakarayo.com/content/images/2024/02/IMG_9198.webp)
CSL Group එක නිවේදනය කර ඇති පරිදි මෙම තාක්ෂණය සහිත SIM Card “rSIM” නමින්, එනම් Resilient SIM ලෙසින් හඳුන්වනු ලබනවා. මේ rSIM එකට එය සතුව තිබෙන Network Connectivity එක පරික්ෂා කළ හැකි අතර ස්වයංක්රියවම එය සතුව ඇති Mobile Operator Profiles සමඟ මාරු විය හැකි වනවා. මේ සඳහා rSIM තුළ එකිනෙකට වෙනස් දුරකථන සේවා සැපයුම්කරුවන්ගේ Profiles දෙකක් පවතින අතර Default ලෙස සක්රියව පවතින ජාලයට යම් බාධාවක් මතුවු විට අමතරව පවතින දුරකථන සේවා සැපයුම්කරුගේ Profiles එකට ස්වයංක්රියව සම්බන්ධ වනු ලබනවා.
ඒ වගේම මොවුන් විසින් මේ rSIM සඳහා සේවා ලබා දෙන පළමු දුරකථන සේවා සපයන සමාගම් ලෙස Deutsche Telekom IoT සහ Tele2 IoT එකතු වි තිබෙනවා.
Source: www.rsim.com www.androidauthority.com