Realme විසින් Dizo නම් නව උප වෙළඳ නාමයක් හඳුන්වා දීමට කටයුතු කරයි

Realme විසින් Dizo නම් නව උප වෙළඳ නාමයක් හඳුන්වා දීමට කටයුතු කරයි

Realme යනු Oppo සමාඟමේ උප වෙළඳනාමයක් නොහොත් sub-brand එකක් බව සියළු දෙනා දන්නා කරුණකි. එම උප වෙළඳනාමයේත් තවත් උප වෙළඳනාමයක් හදුන්වාදීම වෙනස්ම ආකාරයේ පුවතකි.

මම නව Dizo නම් වෙළඳනාමය Smart Home, Smart Entertainment උපාංග නිපදවීමේදී භාවිතා වීමට නියමිතයි.

Oppo සමාඟම විසින් හඳුන්වාදුන් Realme නම් වෙළඳ නාමය සහිත උපාංග ඉක්මනින් ජනප්‍රියත්වයට පත් වූ අතර, මේ වන විට එහි මව් සමාඟම වන Oppo සමාඟමෙන් බොහෝදුරට ස්වාධීන වී, වෙනම සමාඟමක් ලෙස ක්‍රියා කිරීම අරඹා ඇත. නමුත් තවමත් Realme යනු Oppo යටතේ ඇති සමාඟමක් වේ.

මෙම Dizo නම් උප වෙළඳනාමය ඇතුළත් වන්නේ Realme Techlife ලෙස හැදින්වෙන ecosystem එකටයි. මෙම ecosystem එකට Smart TV (ස්මාට් ටීවී), Smart Security Cameras (ස්මාට් ආරක්ෂිත කැමරා) වල සිට Wireless Earbuds, ඉලෙක්ට්‍රික් දත් බුරුසු දක්වා විහිදෙන විශාල පරාසයකින් යුක්ත වේ. දුරකථන වෙළඳ නාමයක් ලෙස ඇරඹි Realme නාමය මේ වන විට ඉතා විශාල පරාසයක පැතිර ඇති බව මෙම කරුණු වලින් ඔබට පෙනී යනු ඇත.

Dizo වෙළඳ නාමය සහිත උපාංගයක් එළිදැක්වීම ගැන තවමත් සඳහනක් නොමැති නමුත් බොහෝවිට එම පළමු උපාංගය Bluetooth earphones විය හැකි බව මත පලවී ඇත. ඒ කෙසේ නමුත්, මෙම උප වෙළඳ නාමය අප්‍රිකාව, ආසියාව, යුරෝපය, උතුරු ඇමරිකාව, දකුණු ඇමරිකාව ආදී ලොව පුරා වෙළඳපල වෙත නිකුත් වනු ඇත. Dizo වෙළද නාමය සහිත උපාංග සඳහා සේවා සපයන මධ්‍යස්ථාන 320ක ප්‍රමාණයක් ඉන්දියාවේ නඟර 320ක් පුරා දැනටමත් පිහිටුවා ඇතැයි සඳහන් වේ.

Dizo යනු Realme නම වෙනුවට භාවිතා වන තවත් නමක් ලෙස නොවී, වෙළඳපලේ යම් ගුණාත්මක වෙනසක් සිදු කරනු ඇතැයි පාරිභෝගිකයන් වශයෙන් අප බලාපොරොත්තු වන්නෙමු.

Source - Android Authority, Gadgets Now

Read more

Gemini 1.5 Pro දැන් රටවල් 180කටත් වැඩි ප්‍රමාණයකට

Gemini 1.5 Pro දැන් රටවල් 180කටත් වැඩි ප්‍රමාණයකට

Google ආයතනය මීට මාස දෙකකට පමණ කලින් Gemini 1.5 Model එක Google AI Studio එක හරහා පරීක්ශා කිරීමේ පහසුකම developers ලට ලබා දී තිබුනා. 2024/04/09 එනම් ඊයේ දින රටවල් 180ට වඩා වැඩි ප්‍රමා

By Chanaka Prasanna
Apple සමාගම විසින් ඔවුන්ගේ Vintage සහ Obsolete නිෂ්පාදන ලැයිස්තුව යාවත්කාලීන කරයි

Apple සමාගම විසින් ඔවුන්ගේ Vintage සහ Obsolete නිෂ්පාදන ලැයිස්තුව යාවත්කාලීන කරයි

Apple සමාගම විසින් පසුගිය පළමු වැනිදා ඔවුන්ගේ vintage products සහ obsolete products ලැයිස්තුව යාවත්කාලීන් කර තිබෙනවා. මොනවද මේ vintage products සහ obsolete products කියන්නේ ? Apple සමාගම වි

By Bhasura Nuwan Kularathna
Incognito Mode එක හරහා එකතු කර ගබඩා කර ගත් පරිශීලක දත්ත විනාශ කිරීමට Google සමාගම එකඟ ​වේ

Incognito Mode එක හරහා එකතු කර ගබඩා කර ගත් පරිශීලක දත්ත විනාශ කිරීමට Google සමාගම එකඟ ​වේ

2020 වසරේ දී Google සමාගමට විරුද්ධව පරිශීලකයන් පිරිසක් නඩුවක් ගොනු කළ අතර ඒ තුලින් ඔවුන් එම සමාගමට චෝදනා කලේ Google හි ඇති “Incognito mode” මගින් පරිශීලකයන්ගේ දත්ත රැස් කරන

By Anjana Dineth