MOBITEL පෙර ගෙවුම් පාරිභෝගිකයින්ට DATA Roll Over පහසුකම ලබා දෙයි
SLT-Mobitel සමාගම විසින් ඔවුන්ගේ පෙරගෙවුම් Mobile Broadband පාරිභෝගිකයින් සඳහාත් මේ පහසුකම හඳුන්වා දෙන්න මේ වන විට කටයුතු කර තිබෙනවා.
ඔබට මතක ඇති පසුගිය සමයේදී Dialog Axiata සමාගම විසින් ඔවුන්ගේ Home Broadband පැකේජයන් සමඟින් ශ්‍රී ලංකාවේ ප්‍රථම වතාවට Data Roll Over පහසුකම හඳුන්වා දෙනු ලැබුවා.
SLT-Mobitel සමාගම විසින් ඔවුන්ගේ පෙරගෙවුම් Mobile Broadband පාරිභෝගිකයින් සඳහාත් මේ පහසුකම හඳුන්වා දෙන්න මේ වන විට කටයුතු කර තිබෙනවා. ඒ අනුව ඔවුන් රු.58.00 පැකේජයේ සිට රු.1199.00 පැකේජය දක්වා පැකේජයන් 11කට පමණ මේ Data Roll Over පහසුකම හඳුන්වා දී තිබෙනවා.
කෙසේ වෙතත් ඒ කොන්දේසී කිහිපයක් සමගිනුයි.
• මෙලෙස Active කරන ලද Data පැකේජයේ Data Roll Over කර ගත හැකි වන්නේ එම පෙර සක්‍රීය කරනු ලැබු පැකේජයම නැවත සක්‍රීය කළ හොත් පමණයි. (ඔබ රු.58.00 පැකේජය සක්‍රීය කර ඇති නම් එහි Data Roll Over කර ගත හැකි වන්නේ නැවත එම පැකේජයම, එනම් රු.58.00 පැකේජය සක්‍රීය කර ගැනීමෙනි)
• එමෙන්ම මෙලෙස ඔබට Data Roll Over කර ගැනීමට නම් ඔබ පළමුව සක්‍රීය කරන ලද පැකේජයේ වලංගු කාල සීමාව තුළ නැවත එම පැකේජයම සක්‍රීය කළ යුතු වනවා.
මේ පිළිබඳව තවත් වැඩි විස්තර mobitel.lk ඔවුන්ගේ වෙබ්අඩවියට පිවිස දැනගත හැකියි.
