ලොව වේගයෙන්ම ව්‍යාප්ත වූ යෙදවුම බවට පත් වූ ChatGPT සේවාව Microsoft වෙතින් නුදුරේදීම ඔබ වෙතට

ලොව වේගයෙන්ම ව්‍යාප්ත වූ යෙදවුම බවට පත් වූ ChatGPT සේවාව Microsoft වෙතින් නුදුරේදීම ඔබ වෙතට

OpenAI සමාගම විසින් නිර්මාණය කර නිකුත් කළ ChatGPT යෙදවුම මේ වන විට ලොව පුරා පරිශීලකයන් මිලියන 100කට අධික ප්‍රමාණයක් භාවිතා කරන බවට සනාථ වී තිබෙනවා. මිලියන 100කට වැඩි පරිශීලකයන් සිටින් තවත් යෙදවුම් තිබුණත් ChatGPT විශේෂ වන්නේ මෙම ඉලක්කය සපුරා ගැනීමට ගතවූයේ මාස තුනකට අඩු කාලයක් වීම නිසාවෙනි.

Source: businessinsider.com

අනෙකුත් යෙදවුම් ගැන සැලකූවොත් මෑත කාලයේදී විශාල ජනප්‍රියතාවයකට පත් වූ TikTok යෙදවුමට එම ඉලක්කය වෙත යාමට මාස නවයක කාලයක් ගත වූ බවත් Instagram හට වසර දෙකකට අධික කාලයක් ගතවූ බවත් සඳහන් වෙනවා. මේ නිසා එතෙක් මෙතෙක් කෙටිම කාලයක් තුළ වැඩිම පරිශීලක සංඛ්‍යාවක් පරිශීලනය කළ යෙදවුම බවට ChatGPT පත් වන බව සඳහන් කළ යුතුය.

එසේම පසුගිය දිනෙක සඳහන් වූයේ Microsoft සමාගම විසින් AI තාක්ෂණය භාවිතා කර සිය සමාගමේ ප්‍රචාරණ කටයුතු සිදුකර ගැනීමට සූදානම් වන බවයි. මේ සඳහා ChatGPT වැනි යෙදවුමට සමාන යෙදවුමක් හෝ තාක්ෂණයක් භාවිතා කිරීමට නියමිත බවට පුවත් පැතිර ගියත් අවසානයේදී ප්‍රකාශ වූයේ Microsoft සමාගම ChatGPT භාවිතා කර සිය සමාගමේ වෙළඳ ප්‍රචාරණ කටයුතු ආරම්භ කිරීමට සූදානම් වන බවයි.

Source: techtimes.com

මෙහිදී මූලිකවම සිදුවන්නේ Microsoft සමාගම සිය පාරිභෝගිකයින් සමග සම්බන්ධ වීම සඳහා සහ සිය ප්‍රචාරණ කටයුතු සිදුකිරීමයි. මෙහිදී තම පරිශීලකයන් වෙතින් ලබාගන්නා දත්ත මත පදනම්ව දැනුවත් කිරීම් සිදුකිරීමට නියමිත වන අතර එහිදී විවිධාකාරයේ වී ප්‍රවර්ධනය කිරීම් ද සිදුවනු ඇත.

එමෙන්ම මෙම පහසුකම Microsoft වෙතින් හඳුන්වා දී තිබූ Viva Sales වෙතටද එක් කිරීමට යෝජිත අතර එමනිසා තම පාරිභෝගිකයන් කළමණාකරණය කිරීම සහ මෙම AI තාක්ෂණය භාවිතයෙන් එම පරිශීලකයන්ගේ ඇමතුම් හා email පණිවුඩ Scan කිරීම ද සිදුකරනු ලබයි.

මෙලෙස AI තාක්ෂණය භාවිතා කරනු ලබන ChatGPT වැනි යෙදුම් Microsoft සමාගම මගින් භාවිතා කිරීම ඉදිරියේදී තම පාරිභෝගිකයන් වෙත නව අත්දැකීම් සමුදායක් ලබාදීම සඳහා ඉවහල් වන බව පැහැදිලිය. එමෙන්ම Microsoft සමාගම OpenAI සමග ඇතිකරගෙන තිබූ ගිවිසුම තවදුරටත් දීර්ඝ කිරීම ඔස්සේ බොහෝ විචාරකයන් මත පළ කරනුයේ ඉදිරියේදී නව පහසුකම් රාශියක් මේ ඔස්සේ පරිශීලකයන් වෙත ලැබෙනු බවයි.

Sources: www.businessinsider.com www.techtimes.com bgr.com

Read more

WWDC 2024 හිදී සිදුකෙරුණු විශේෂිතම එලිදැක්වී​ම් 13

WWDC 2024 හිදී සිදුකෙරුණු විශේෂිතම එලිදැක්වී​ම් 13

සුපුරුදු පරිදි Apple's Worldwide Developers Conference එක මීට දවස් කිහිපයක ට උඩදි පැවැත් වුනා. එහිදි Apple විසින් විශේෂයෙන් කතා කරපු ප්‍රධාන කරුණු 13 ක් පිළිබදව අවදානය

By Kusal Dissanayaka