Microsoft සමාගම විසින් ‘Power On: The Story of Xbox’ නමින් වාර්තා චිත්‍රපටයක් නිකුත් කිරීමට කටයුතු කරයි
2021 දී Xbox console එකේ 20-වසර සැමරුමේ කොටසක් ලෙස, Microsoft සමාගම විසින් Xbox console එක පැමිණි ගමන් මග පිළිබඳව කොටස් 6කින් යුතු “පුළුල් සහ අව්‍යාජ ඉතිහාසය (Power On: The Story of Xbox)” නමින් වාර්තා චිත්‍රපටයක් ප්‍රකාශයට පත් කර ඇත.
මෙම වාර්තා චිත්‍රපටය ඔබව Xbox gaming console එකේ ආරම්භය සිට අද තිබෙන තැනට ගෙන යනු ලබන අතර ඒ ගමනේ ඇති වූ සියලු බාධකයන් පිළිබඳව ඒවා අත්විඳි Xbox කණ්ඩායම් සාමාජිකයින්ගෙන් ද ඔබට අසන්නට ලැබෙනු ඇත.
මෙම කතාංගය හරහා Microsoft සමාගම විසින් ඒ වන විට ගෝලීය gaming industry එක සහ වෙළඳපල තුල Sony සහ Nintendo සමාගම් විසින් දරණ ආධිපත්‍යය අත්පත් කරගැනීමට සිදු කරන Xbox හි මුල් සැලසුම සහ අද console එක තිබෙන තැනට පත් වන තුරු පැමිණි ගමන් මගද, Nintendo සමාගම විසින් Xbox මිලදී ගැනීමට දරන උත්සාහය පිටුපස ඇති විස්තර ඔබට දැනගත හැකිය.
Power On: The Story of Xbox වාර්තා චිත්‍රපටයේ කථාංග හය YouTube, RedBox, IMBbTV, The Roku Channel, Microsoft Movies & TV සහ තවත් බොහෝ video streaming platforms වලින් නොමිලේ ලබා ගත හැකිය.
Source: Pureinfotech
