iPhone 14 Pro කැමරාවේ ගැටළුවක් ඇති බව පරිශීලකයන් මැසිවිලි නගයි
![iPhone 14 Pro කැමරාවේ ගැටළුවක් ඇති බව පරිශීලකයන් මැසිවිලි නගයි](/content/images/size/w1200/2022/09/iPhone-14-Pro-users-report-camera-shakiness-and-grinding-noise-when-using-third-party-apps-.jpeg)
මෑතකදී නිකුත් වූ iPhone 14 Pro සහ iPhone 14 Pro Max දුරකතනයන් මිලදී ගත් පරිශීලකයන් විසින් මේ වන විට එහි කැමරාවන් වල ඇති ගැටළුවක් පිළිබඳව වාර්තා කර තිබෙනවා. එහිදී කැමරා ලෙන්ස් එක පාලනයකින් තොරව ශබ්දයක් නගමින් ක්රියාකරන බව ඔවුන් පවසා තිබෙනවා. Instagram, TikTok, සහ Snapchat වැනි ත්වන පාර්ශවීය යෙදුම් භාවිතා කිරීමේදී අමුතු ශබ්දයන් නගමින් කැමරාව සෙලවෙන බව ඔවුන් තව දුරටත් පවසා තිබෙනවා.
YouTuber කෙනෙක් වන Luke Miani විසින් Twitter එකේ පල කල වීඩියෝවක දැක්වෙන ආකාරයට Snapchat භාවිතා කරන විට ඔහුගේ iPhone 14 Pro Max දුරකතනයේ කැමරාව වේගයෙන් vibrate වීමට ආරම්භ වී ඇති අතර ලබා ගන්නා ඡායාරූපය මුළුමනින්ම බොඳවී ඇත. එම වීඩියෝවේ කැමරාව ශබ්ද නගමින් සෙලවෙන ආකාරය දැක්වෙන අතර එය තරමක් දුරට අසාගෙන සිටිය නොහැකි තරමේ ශබ්දයකි.
So uh, we’re having some issues with the 14 Pro Max camera pic.twitter.com/7HH1wLFjdF
— Luke Miani (@LukeMiani) September 16, 2022
නමුත් මෙය iPhone Camera app එක සඳහා බලපෑමක් සිදු නොකරන අතර එය භාවිතා කිරීමේදී කිසිදු ශබ්දයක් කෝ බොඳවීමක් දක්නට ලැබෙන්නේ නැත. ඒ අනුව මෙය තෙවන පාර්ශවීය යෙදුම් වලින් පැන නගින දෝෂයක් බව නිගමනය කල හැකියි. මේ සඳහා අදාල යෙදුම් නිර්මාණය කරන ආයතනයන් විසින් අදාල ගැටළුවන් නිරාකරණය කර iPhone 14 Pro මාදිලීන් සඳහාම විශේෂීවූ යාවත්කාලීන කිරීමක් නිකුත් කල යුතු බව මත පල වේ. මෙම ගැටළුව හරහා දුරකතනයට සිදු වන හානිය පිලිබඳව නම් තාම කිසිදු අදහසක් පල වී නෑ.
මේ ගැටළුව පැන නැගි යෙදුම් නිර්මානය කරන සමාගම වලින් තවමත් මේ පිළිබඳව අදහසක් නිකුත් වී නෑ. ඒ පිළිබඳව තොරතුරු ලැබුන විගස ඔබට ඒ පිළිබඳව රැගෙන එන්නම්.
Sources: 9to5 Mac The Verge