Huawei සමාගම විසින් Nova 8 series එක නොවැම්බරයේදී එලිදැක්වීමට සූදානම් වේ

Huawei සමාගම විසින් Nova 8 series එක නොවැම්බරයේදී එලිදැක්වීමට සූදානම් වේ

Huawei Mate 40 series එක මෙම ඔක්තෝබර් මාසයේ 22 වැනිදා නිකුත් වීමට නියමිත වී ඇත. මෙම එළිදැක්වීමෙන් අනතුරුව, Huawei සමාඟම ඔවුන්ගේ අවධානය Nova 8 series එක නිකුත් කිරීම කෙරෙහි යොමු කරනු ඇත. චීනයෙන් වාර්තා වන ආකාරයට, Nova 8 series එක ලබන මස එනම් නොවැම්බරයේ දී එළිදකිනු ඇති බවයි.

කලින් වාර්තා වූ ආකාරයට, Nova 8 දුරකථන පවුල Nova 8 SE, Nova 8, Nova 8 Pro යන මාදිලි වලින් යුක්ත වේ. මෙම මාදිලි සඳහා HJC-AN00 / TN00 සහ JSC-AN00 / TN00 යන මාදිලි අංක වෙන් කෙරෙනු ඇත.

Nova 8 Pro මාදිලියේ මෑතක දී සමාජගත වූ leak ඡායාරූප වල දැක්වෙන්නේ එම දුරකථනය, curved edges නොහොත් වක්‍ර වූ මුළු සහිත, සහ ඉදිරිපස කැමරා දෙකක් සහිත පෙත්තක ආකාරයේ cutout එකක් හෙවත් කැපුමක ආකාරයේ කැමරා විවරයක් සහිත ව නිකුත් වීමට යන බවයි. එමෙන්ම එහි තිරය 120Hz තරම් වූ refresh rate එකක් සහිත OLED තිරයක් බවත් සැලකෙනවා.

මෙම දුරකථනය MediaTek Dimensity 1000+ චිප්සෙට් එක මඟින් බලගැන්වෙනු ඇත. මෙහි මිළ, යුවාන් 3,999 එනම්, ආසන්න වශයෙන් ඩොලර් 598 ක්ද, ලංකා මුදලින් ආසන්න වශයෙන් රුපියල් 110000/- (එක්ලක්ෂ දසදහසක් පමණ) විය හැකිය.

Nova 8 මාදිලිය, බොහෝවිට Dimensity 820 චිප්සෙට් එක සහිතව සහ 90Hz තරම් වූ refresh rate එකක් සහිතව නිකුත් වනු ඇති. මෙම මාදිලියේ මිළ, යුවාන් 3299ක්, එනම් ඩොලර් 493 ක් සහ ආසන්න වශයෙන් රුපියල් 91000/- පමණ වනු ඇත. එමෙන්ම, Nova 8 SE මාදිලිය Dimensity 800 චිප් සෙට් එක සහිතව සහ 8GB තරම් වූ RAM එකක් සහිතවද, අභ්‍යන්තර මතකය 128GB ලෙසද නිකුත් වීමේ ඉඩකඩ ඇත. එහි මිළ යුවාන් 2799 ක් හෙවත් ඩොලර් 419 ක් එනම් ආසන්න වශයෙන් රුපියල් 77200/- ක් පමණ වනු ඇත.

එමන්ම, Huawei සමාඟම ඔවුන්ගේ Nova 7 SE 5G Vitality ලෙස නම් කළ මාදිලියක් මෑතකදී එළිදැක්වීය. එය පෙරදී චීනයේ එළිදැක්වූ Nova 7 SE මොඩලයම වන අතර එකම වෙනස්කම වන්නේ එහි Kirin 820 චිප්සෙට් එක වෙනුවට, Dimensity 800U SoC චිප් සෙට් එක යොදාගැනීමයි.

Source: Gizmochina, NewsBreak

Read more

ජනාධිපති රනිල් Elon Musk හමුවේ, Starlink ශ්‍රී ලංකාවේ ස්ථාපන​ය ගැන සාකච්​ඡා

ජනාධිපති රනිල් Elon Musk හමුවේ, Starlink ශ්‍රී ලංකාවේ ස්ථාපන​ය ගැන සාකච්​ඡා

10වන ලෝක ජල සමුළුවට සහභාගී වීම සඳහා ඉන්දුනීසියාව බලා පිටත් වු ජනාධිපති රනිල් වික්‍රමසිංහ මහතාට SpaceX සමාගමේ CEO වෙන Elon Musk මහතා හමුවී තිබෙනවා. එහිදී Elon

By Bhasura Nuwan Kularathna
Honor, Nothing, OnePlus, Oppo, Realme, vivo සහ Xiaomi Smartphones සඳහාත් Android 15 Beta සංස්කරණයන් ලබා දීම ආරම්භ කරයි

Honor, Nothing, OnePlus, Oppo, Realme, vivo සහ Xiaomi Smartphones සඳහාත් Android 15 Beta සංස්කරණයන් ලබා දීම ආරම්භ කරයි

Google සමාගම විසින් ඔවුන්ගේ නවතම Android සංස්කරණය වන Android 15 දෙවන Beta සංස්කරණය නිකුත් කරන්න මේ වන විට කටයුතු කර තිබෙනවා. එමෙන්ම මෙම Beta සංස්කරණය අත්විදීමේ හැකියාව Google සමාගමේ Pixel Devices සඳහා පමණක් සිමා නොවනවා.

By Bhasura Nuwan Kularathna
Google සමාගම විසින් ඩොලර් බිලියන 125ක පමණ වටිනාකමකින් යුතු විශ්‍රාම වැටුප් අරමුදලක් වැරදීමකින් මකා දමයි

Google සමාගම විසින් ඩොලර් බිලියන 125ක පමණ වටිනාකමකින් යුතු විශ්‍රාම වැටුප් අරමුදලක් වැරදීමකින් මකා දමයි

Google සමාගම විසින් මෑතකදී UniSuper නම් ඕස්ට්රේලියානු විශ්‍රාම වැටුප් අරමුදලට අදාලව ඩොලර් බිලියන 125කට ආසන්න වටිනාකමකින් යුතු Private Google Cloud ගිණුමක් වැරදීමකින් මකා දමා තිබෙනවා.

By Bhasura Nuwan Kularathna