කාන්තා විස්සයි 20 ලෝක කුසලාන තරගාවලිය නරඹන්නේ මෙහෙමයි
පෙබරවාරි 10, අද දින සිට කාන්තා විස්සයි 20 ලෝක කුසලාන තරගාවලිය දකුණු අප්‍රිකාවේදී ආරම්භ විමට නියමිත වනවා. මෙම තරගාවලියට ශ්‍රී ලංකාව ඇතුළුව රටවල් 10ක් සහභාගී වන අතර දකුණු අප්‍රිකාවේ ක්‍රිකට් ක්‍රීඩාංගන 03ක් කේන්ද්‍ර කරගෙන තරග 23ක් පැවැත්වීමට නියමිතව පවතිනවා.
මෙම තරගාවලියේ පුහුණු තරග ලෙස අයර්ලන්තය සමඟින් සහ බටහිර ඉන්දීය කොදෙව් ක්‍රීඩිකාවන් සමගින් තරග දෙකක් පැවැත් වුණ අතර මුලික වටයේ තරග අද සිට ඇරඹිමට නියමිතයි.
චමරි අතපත්තුගේ නායකත්වයෙන් යුත් ශ්‍රී ලංකා කාන්තා ක්‍රිකට් පිල මුලික වටයේ තරග ලෙස දකුණු අප්‍රිකාව, බංග්ලාදේශය, ඕස්ට්‍රේලියාව සහ නවසීලන්තය සමග තරග වැදීමට නියමිත වනවා. ඒ අනුව ශ්‍රී ලංකාව සහභාගී වන පළමු තරගය අද රාත්‍රි 10.30ට ඇරඹිමට නියමිතව තිබෙනවා.
මෙවර කාන්තා විස්සයි 20 ලෝක කුසලාන තරගාවලියේ සියලු තරගයන් Dialog TV ( Ch No - 74 ) සහ PEO TV ( Ch No - 40 ) පාරිභෝගිකයන්ට Star Sports 2 ඔස්සේ නැරඹිමේ හැකියාව ලැබෙනවා.
