අද සිට ඇරෙඹන 2023 ක්‍රිකට් ලෝක කුසලාන තරඟාවලියේ පුහුණු තරග නරඹන්නේ මෙහෙමයි
ලොව පුරා ක්‍රිකට් රසිකයින් නොඉවසිල්ලෙන් බලා සිටින 13 වන එක්දින ලෝක කුසලාන ක්‍රිකට් තරගාවලිය එළඹෙන ඔක්තෝම්බර් 05 වන දින ඉන්දීයාවේදී ඇරඹිමට සියලු කටයුතු සුදානම්ව පවතින අතර අද දින (29) සිට ඔක්තෝම්බර් 03 වනදා දක්වා Warm Up Matches පැවැත්වෙන අතර තරඟ කාළ සටහන පහතින් ඔබට නැරඹිමට පුලුවන්.
මේ Warm Up Matches සියල්ල ශ්‍රී ලංකා වේලාවෙන් පස්වරු 2.00ට ඇරඹීමට නියමිතයි. ඒ අනුව ශ්‍රී ලංකාව සඳහා පුහුණු තරග දෙකක් ලැබී තිබෙන අතර ඉන් එකක් අද (29) පස්වරු 2.00ට බංගලාදේශය සමඟින් ද අනෙක් තරගය එළඹෙන ඔක්තෝම්බර් 03 වන දින පස්වරු 2.00ට ඇෆ්ගනිස්ථානය සමඟින් ද අනෙක් පුහුණු තරගය පැවැත්වීමට නියමිතව පවතිනවා.
Warm Up Matches සියල්ලම සිරස මාධ්‍ය ජාලයේ TV1 නාලිකාව ඔස්සේ ද, Dialog TV නාලිකා අංක 69 (Star Sports 2) සහ Peo TV නාලිකා අංක 40 (Star Sports 2), නාලිකා අංක 41 (Star Sports1), නාලිකා අංක 39 (Star Sports Select 1 SD), නාලිකා අංක 313 (Star Sports Select 1 HD) ඔස්සේද නැරඹිය හැකි වනවා.
තරගාලියේ ජයග්‍රාහී කණ්ඩායම සඳහා ඩොලර් මිලියන 4කුත්, අනුශුරයින් සඳහා ඩොලර් මිලියන 2කුත් ත්‍යාග මුදල් ලෙස ලබා දෙන බවත් ජාත්‍යන්තර ක්‍රිකට් කවුන්සිලය විසින් දක්වා තිබෙනවා. ඔක්තොම්බර් 05 සිට ඇරඹෙන 2023 ක්‍රිකට් ලෝක කුසලාන තරගාවලියේ සියලු තරඟ නරඹන ආකාරය පිළිබඳව ඉක්මනින්ම ඔබ වෙත ගෙන ඒමට අප සුදානම්.
