Facebook එකේ කරදරකාරී @friends tag එකෙන් බේරෙන්නේ මෙහෙමයි
මේ දවස් වල Facebook එකේ පටන් අරගෙන තියෙන අළුත්ම trend එක තමයි, @everyone හෝ @friends කියන tag එක පාවිච්චි කරලා තමන්ගේ Facebook friend list එකම, එක පාර mention කරගෙන යන එක. මේක බොහොමයක් අයට කරදරයක් වෙන්න ගත්තේ කිසිම සීමාවකින් තොරව Facebook පරිශීලකයන් විසින් මේ නව විශේෂාංගය නිතරම භාවිතා කිරීමට පටන් ගැනීමත් සමඟයි.
මේ ලිපිය ලියන මටත් මේක හරි කරදරයක් බවට පත් වෙන්නට ගත්තේ විනෝදයටත් ඇතැමුන් මේ tags භාවිතා කිරීමත් සමඟයි. මෙවැනි නව විශේෂාංගයක් එකතු කිරීමත් සමඟම Meta ආයතනය විසින් ඒ හරහා ලැබෙන notifications නවත්වා ගැනීමටද හැකියාව ලබා දී තිබෙනවා. මේ ලිපිය කියවන ඔයාට පහලින් තියෙන පියවරයන් අනුගමනය කිරීමෙන් පසුව එම notification ලැබීම වලක්වා ගැනීමට හැකියාව ලැබෙනවා.
එහෙනම් අපි බලමු කොහොමද මේ කරදරකාරී notification එක නවත්වා ගන්නේ කියල.
මුලින්ම පල්ලෙහා screenshot එකේ තියෙන විදිහට Facebook app එකේ menu එකට යන්න.
ඒ menu එක හරහා Settings වලට පිවිසෙන්න.
දැන් එන menu එකෙන් Profile Settings වලට පිවිසෙන්න.
එතනින් Notification Settings කියන එකට පිවිසෙන්න.
Tags කියන එක උඩ tap කරන්න.
එතනින් එන menu එකෙන් Friends of Friends කියන option එක select කරන්න.
ඊට පස්සෙ ඔයාට පෙනෙයි Receive notifications for කියන menu එකක් ඊට පල්ලෙහයින්.
එතනින්, Batch @everyone mentions කියන option එක off කරන්න.
දැන් ඔයාට කරදරකාරී notification එකෙන් මිදිලා සාමකාමීව Facebook එකේ කාලය ගෙවීමට හැකියි. නමුත් මේකෙන් tag වෙන එක නවතින්නේ නෑ, notifications එන එක විතරයි නවතින්නේ.
