රජයේ අනුමත 2024 සිංහල අවුරුදු නැකැත් ඔබ වෙත ගෙන එන Digital සිංහල අලුත් අවුරුදු නැකැත් සීට්ටුව 2024

නව සඳ බැලීම 🌕

අභිනව චන්ද්‍ර වර්ෂය සඳහා අප්‍රේල් මස 11 වැනි බ්‍රහස්පතින්දා දින නව සඳ බැලීම මැනවි.

පරණ අවුරුද්ද සඳහා ස්නානය 🪣

අප්‍රේල් මස 11 වැනි බ්‍රහස්පතින්දා දින බෝ පත් යුෂ මි​ශ්‍ර නානු ගා ස්නානය කොට ඉෂ්ට දේවතා අනුස්මරණයෙහි යෙදී වාසය මැනවි.

අලුත් අවුරුදු උදාව 🌞

අප්‍රේල් මස 13 වැනි සෙනසුරාදා අපරභාග 09.05 ට සිංහල අලූත් අවුරුද්ද උදාවෙයි.

පුණ්‍යකාලය 🙏

අප්‍රේල් මස 13 වැනි සෙනසුරාදා අපරභාග 02:41 සිට අප්‍රේල් මස 14 වැනි ඉරිදා අලුයම 03:29 දක්වා පුණ්‍ය කාලය බැවින් අප්‍රේල් මස 13 වැනි සෙනසුරාදා දින අපරභාග 02:41 ට පළමුව ආහාරපාන ගෙන සියලු වැඩ අත්හැර ආගමික වතාවත් වල යෙදෙනු මැනවී.

ආහාර පිසීම 🍚

අප්‍රේල් මස 13 වැනි සෙනසුරාදා රාත්‍රී 11:06 ට නීල වර්ණ වස්ත්‍රාභරණයෙ​න් සැරසී දකුණු දිශාව බලා ලිප් බැඳ ගිනි මොලවා තල උක් හකුරු මි​ශ්‍ර බතක් ද තල මි​ශ්‍ර කැවිලි වර්ගයක් ද පිළියෙල කර ගැනීම මැනවි.

වැඩ ඇල්ලීම ⚒️️, ගනුදෙනු කිරීම 💵 හා ආහාර අනුභවය 🍽️

අප්‍රේල් මස 14 වැනි ඉරිදා පාන්දර 00.06 ට නීල වර්ණ වස්ත‍්‍රාභරණයෙන් සැරසී දකුණූ දිශාව බලා සියලූ වැඩ අල්ලා ගනුදෙනු කොට ආහාර අනුභවය මැනවි.

හිසතෙල් ගෑම 🪔

අප්‍රේල් මස 15 වැනි සඳුදා පූර්ව භාග 10.17 ට ශ්වේත වර්ණ වර්ණ (සුදු පැහැති) වස්ත‍්‍රාභරණයෙන් සැරසී දකුණූ දිශාව බලා හිසට දිවුල්පත් ද පයට ඉඹුල්පත් ද තබා තෙල් සහ දිවුල්පත් මි​ශ්‍ර නානුද ගා ස්නානය කිරීම මැනවි.

රැකී රක්ෂා සඳහා පිටත් වීම 💼

අප්‍රේල් මස 17 වැනි බදාදා දින පූර්වභාග 06.52 ට කොළ පැහැති වස්ත‍්‍රාභරණයෙන් සැරසී, ගිතෙල් හා හකුරු මි​ශ්‍ර කිරිබත් හා කැවිලි වර්ගයක් අනුභව කර උතුරු දිශාව බලා පිටත්ව යෑම මැනවි.

පැළ සිටුවීම 🌱

අප්‍රේල් මස 18 වැනි බ්‍රහස්පතින්දා පූර්වභාග 10.16 ට රන්වන් පැහැති වස්ත්‍රාභරණයෙන් සැරසී නැගෙනහිර දිශාව බලා පැළ සිටුවීම මැනවි.

එහෙනම්, ලබන්නාවූ නව වසර සිතුම් පැතුම් ඉටුවන නිරෝගිමත් සුභ අලුත් අවුරුද්දක් වේවා! යි කියලා Android වැඩකාර​යෝ අපි එක සිතින් ප්‍රාර්ථනා කරනවා. ☀️💚🙏