Windows මත Android Games ධාවනය කිරීමේ හැකියාව 2022දී ලබා දීමට Google සමාගම සූදානම් වේ
පසුගිය දා පැවති The game Awards 2021 උළලේදී Google සමාගමේ ප්‍රකාශකයෙකු වන Geoff Keighley විසින් විස්මිත ප්‍රකාශයක් සිදුකර සිටියා. ඒ Google Play game හි ඇති ක්‍රීඩා 2022 වසරේදී Windows 10 සහ Windows 11 වෙත ලබා දීමට කටයුතු කරමින් සිටින බවයි.
කෙසේ වෙතත් Microsoft සහ Amazon යන සමාගම් එකතු වී Amazon app store හි ඇති apps Microsoft store වෙත ලබා දෙන බවට අප මීට පෙර ලිපියකදී ඔබව දැනුවත් කරා ඔබට මතක ඇති. නමුත් Google සමාගම මෙය Microsoft සමාගම සමඟ හවුල්කාරීත්වයකින් තොරව තනිව සිදු කිරීමට සැරසෙන බව පෙනේ. Google Play හි ඇති ක්‍රීඩා Windows Run වන Laptop, Tablet සහ PC වෙත ලබා දෙන බව හෙළි වී ඇත. එමෙන්ම අප යම් උපාංගයක අවශ්‍ය ක්‍රීඩාව Play කර වෙන උපාංගයකට මාරු වීමේදී එම ක්‍රීඩාවම අප නැවැත්වූ ස්ථානයේ සිටම Play කිරීමේ හැකියාවද ලැබෙන බවට වාර්තා වෙයි.
මේ සම්බන්ධයෙන් Google සමාගමේ ප්‍රකාශක වැඩිදුර විස්තර පවසා නැති වී අතර එහිදී වැඩි දුරටත් ඔහු පවසා සිටියේ Google Play Games හි වැඩි දියුණු කරන ලද යෙදුමක් හරහා මෙය එළි දැක්වීමට කටයුතු කරන බවයි. එමෙන්ම මේ පිළිබඳ වැඩි දුර විස්තර ඉදිරියේදී දැන ගැනීමට හැකියාව ලැබෙන බවත් ඔහු කියා සිටියේය.
Sources: GizmoChina, GSMArena
