Google Assistant සඳහා Memory නම් නව feature එකක් එකතු කිරීම සඳහා Google සමාගම සූදානම් වේ
ළඟදීම release වීමට නියමිත මේ feature එක note app එකකට වඩා බොහෝ දියුණු එකක්.
Google සමාගමේ voice assistant සේවය වන Google Assistant ට කලින් කලට අලුත් විශේෂාංග එකතු වන බව ඔබ දන්නවා.
මෙයට පෙර අප එලෙස එක්වූ, ගීතයක් මුමුණන විට එය හඳුනාගතහැකි ක්‍රමයක් ගැන ලිපියක් ඔබ වෙත ගෙන ආවා.
දැන් මේ ඊළඟට එන්න නියමිත Memory කියන විශේෂාංගයත් ඔබට පහසුවෙන් දේවල් save කරන්න සහ පහසුවෙන්ම සොයාගන්න හැකි ක්‍රමයක්. ඔබට පසුවට අවශ්‍ය වන දෙයක් මතක තබා ගන්නා ලෙස Google Assistant ට කියූ විට එය ඔබට ඒ වෙනුවෙන් 'memory' එකක් සාදා දෙනවා.
විශේෂතම දෙය නම්, මෙය සාම්ප්‍රදායික notes app එකක කාර්යයට වැඩි දෙයක් කිරීමයි. ඒ කියන්නේ ඔබට අවශ්‍ය notes, reminders, photos, screenshots, links වැනි ඕනෑම දෙයක් මේ හරහා save කරගන්න පමණක් නොවෙයි, යම් පිළිවෙලකට වර්ග කිරීමටත් පුළුවන්.
දැනට සඳහන් වන පරිදි මෙය මහජනතාවට විවෘත කර ඇති feature එකක් නම් නොවේ. එනම් තවමත් මෙය Google විසින් develop කරගෙන යන feature එකක්.
එය පොදුවේ නිකුත් වුණ සැණින් අප ඔබට ඒ ගැනත් කියන්නම්, ඒ ගැන දැනගන්න Android වැඩකාරයෝ social media වල follow කරන්න, අපේ newsletter එකටත් subscribe කරන්න.
Source: xda-developers
