ලබන වසරේදී 8 ශ්‍රේණියේ සිටම " කෘත්‍රීම බුද්ධිය" විෂය පාසල් විෂය මාලාවට
රාජ්‍ය සේවකයින්ට තොරතුරු තාක්ෂණ විෂය පිළීබඳව දැනුම ලබා දෙන Next Gen ව්‍යාපෘතිය ගැන අප මීට පෙර වාර්තා කළා ඔබට මතක ඇති.
ලබන වසරේ සිට සාමාන්‍ය පෙළ විභාගයේ හර (අනිවාර්යය) විෂයක් බවට තොරතුරු හා සන්නිවේදන තාක්ෂණ (ICT) විෂය පත් කර ඇති අතර එමඟින් තොරතුරු තාක්ෂණය පිළිබඳ මූලික දැනීමකින් තොරව කම්කරු රැකියාවකින් එහා ගිය රැකියාවක් සොයාගැනීම පවා තව වසර පහක දී ඉතා දුෂ්කර වනු ඇති නිසා ඊට විසඳුමක් වනු ඇත.
පෙර 10 ශ්‍රේණියට හඳුන්වා දීමේ සූදානමක් පැවති කෘත්‍රීම බුද්ධිය (Artificial Intelligence - AI) විෂය විශ්වවිද්‍යාල මහාචාර්යවරුන් ඇතුළු විද්වත් කමිටුවක යෝජනා මත 8 ශ්‍රේණියේ සිට සිසුන්ට හඳුන්වා දෙනු ලබනවා.
තවද මෙවැනි පරිවර්තනීය වෙනස්වීම් වලින් තොර ව අමතර පන්ති පැවැත්වීමෙන් පමණක් 21 වෙනි සියවසට උචිත මානවයකු බිහි කළ නොහැකි වනවා.
සුළු සුළු සංශෝධන සහිත ව තවමත් පවත්වාගෙන යන්නේ යල් පැන ගිය විභාග කේන්ද්‍රීය අධ්‍යාපන ක්‍රමය ම වන අතර මේ ක්‍රමය වෙනස් කරමින් නව ලෝකයට උචිත ලෙස හැඩගැසීම මෙහි මූලික අරමුණයි.
Source: Department of Government Information - Sri Lanka
