ජීවිතේ බේරන්න පහසුකම් ඇති Apple Watch එකක් පුපුරා යාමෙන් පුද්ගලයෙකු රෝහල් ගත කෙ​රේ

තම පරිශීලකයන් හදිසි අවස්ථාවලින් බේරා ගැනීම සදහා සහය දක්වනු ලබන Apple Watch එක විසින් පරිශීලකයෙකු හදිසියේම රෝහලට යැවූ අවස්ථාවක් පසුගියදා වාර්තා වුණා.

Apple සමාගමේ Apple Watch 8 එක අක්‍රමවත් හදවත් ස්පන්ධන, වැටීම්, හදිසි අනතුරු සහ තවත් බොහෝ දේ හඳුනා ගැනීමට Sensors ගණනාවකින් යුක්ත වනවා. කෙසේ වෙතත් මේ Apple Watch එක අධික උණුසුම් වීමෙන් මේ අනතුර සිදුවී තිබෙනවා. පරිශීලකයා පවසා ඇත්තේ තමන් වෙනදා මෙන් Apple Watch එක පැළඳ ගෙන සිටි අතර යම් අවස්ථාවක Apple Watch එක විසින්ම අධික උෂ්ණත්වය හේතුවෙන් ක්‍රියා විරහිත කර දමන ලෙස Warning Message එකක් දර්ශණය කර තිබෙනවා. කෙසේ වෙතත් මේ සිදුවීම තුළින් Apple Watch එකේ පිටුපස සම්පුර්ණයෙන් ඉරි තැලී ගොස් තිබෙනවා.

මෙම සිදුවීම හිරු එළියේ හෝ දැඩි තාපය යටතේ සිදු නොවී ඇති අතර පරිශීලකයා විසින් Apple Support සම්බන්ධ කර ගෙන තත්වය වාර්තා කළ පසුව, පාරිභෝගික සේවා විධායක නිලධාරියා ඔවුන්ගේ කළමනාකරු වෙත මෙම ගැටලුව යොමු කළ ඇති කළ අතර ඔහු මෙය විමර්ශනය සඳහා නඩුවක් ගොනු කර තිබෙනවා. කෙසේ වෙතත්, උපාංගය ස්පර්ශ නොකරන ලෙස ඔවුන්ට පැවසීම හැර Apple Support එක විසින් ලබා දෙන විසදුමක් නැත. අවාසනාවකට මෙන්, පසුදා උදෑසන watch එක අතින් ඇල්ලිය නොහැකි තරමට උණුසුම් වී තිබෙනවා. මේ තුළින් watch එකේ ඉදිරිපස වීදුරු ද ඉරිතලා ගොස් තිබෙනවා.

පරිශීලකයා ඔහුගේ Watch එකේ පින්තූර ගැනීමට තීරණය කළ විට, එය ඉරිතලා යන ශබ්ද නිකුත් කිරීමට පටන් ගෙන තිබූ අතර ඔහු එය විසි කිරීමට සැරසෙන විට ඔහුගේ අතේ පුපුරා ගොස් තිබෙනවා. ඔහුගේ ඇඳ මත පිළිස්සුම් ලකුණු  ඇති අතර ඊයම් විෂ වීම හේතුවෙන් ඔහුව හදිසි ප්‍රතිකාර ඒකකයට යවා ඇත. මෙම සිදුවීමෙන් පසුව, Apple සමාගම විසින් ඔහුගේ නඩුව ප්‍රමුඛස්ථානය කර ඇති අතර, වැඩිදුර පරීක්ෂණ සඳහා watch එක ලබා ගැනීමට පවා කටයුතු කර ඇත. මෙම සිදුවීම කිසිවෙකුට නොපවසන ලෙස ඉල්ලා සමාගම විසින් ඔහුට ලියවිල්ලක් ද එවූ නමුත් පරිශීලකයා එය ප්‍රතික්ෂේප කර තිබෙනවා.