2021 අවසාන කාර්තුවේ වෙළඳපලේ වැඩිම ජංගම දුරකතන ගණනක් විකුණූ සමාගම බවට Apple සමාගම පත්වේ
ජංගම දුරකතන වෙළඳපලේ 2021 වර්ෂයේ අවසාන කාර්තුවේදී ලොව වැඩියෙන්ම ජංගම දුරකතන අලෙවි කල දුරකතන නිෂ්පාදන සමාගම ලෙස Apple සමාගම පත්ව තිබෙනවා. එම වසරේ තෙවන කාර්තුවේදී දෙවන ස්ථානය හිමි කරගෙන සිටි Apple සමාගම, එවර පළමු ස්ථානයට පත්ව තිබූ Samsung සමාගම පසු කරමින් ප්‍රථම ස්ථානය ලබා ගැනීමට සමත්ව තිබෙනවා. මේ සඳහා හේතු වී තිබෙන්නේ iPhone 13 මාදිලියේ ජංගම දුරකතන වලට ඇති වූ අධික ඉල්ලුමත් සමඟයි.
Apple සමාගම මෙවැනි විකුණුම් වාර්තාවක් ලබා ගැනීමට සමත් වූයේ ලොව පුරාම පවතින චි හිඟය අතරතුරෙදී වීමත් විශේෂත්වයක්වනවා. මෙම චිප්සෙට් හිඟය අනෙකුත් දුරකතන නිෂ්පාදකයන්ටද දැඩිව බලපා ඇත. ඒ කෙසේ වුනත් එම අභියෝගයට සාර්ථකව මුහුණු දෙමින් Apple සමාගම තම විකුණුම් අගය ඉහල නංවා ගැනීමට සමත් වීම නම් විෂමයක් බව වෙළඳ පල විශෙලේෂකයන් ප්‍රකාශ කර සිටිනවා.
2021 වර්ෂයේ පළමු, දෙවන සහ තෙවන කාර්තු වල ප්‍රථම ස්ථානය රැක ගැනීමට සමත් වූ Samsung සමාගම මෙවර දෙවන ස්ථානයට පත් වූවත් එය ඉතාමත් සුළු ප්‍රතිශතයකින් සිදු වූවක් බව වාර්තාවට අනුව දැක්වෙනවා. 2020 වර්ෂයේදීද අවසාන කාර්තුවේදී Apple සමාගම Samsung සමාගම අභිබවමින් ඉදිරියට පැමිණි අතර එහිදී සමාගම දෙක අතර ප්‍රතිශතාත්මක වෙනස 6%ක් පමණ වුවත් මෙවර එය 2% වැනි සුළු අගයක් වී ඇත. සෑම වසරකම අවසාන කාර්තුවේදී Apple සමාගම මේ ආකාරයට පළමු ස්ථානයට පත් වන්නේ සැප්තැම්බර් මාසයේදී එලිදක්වන ඔවුන්ගෙ නවතම ජංගම දුරකතන මාදිලිය නිසා වන අතර ඉන්පසුව නැවතත් ඔවුන් සුපුරුදු පරිදි තම අඩිය පිටුපසට තබනු ලබනවා.
කෙසේ වෙතත් 2020 අවසාන කාර්තුවේදී Xiaomi, Oppo සහ Vivo සමාගම ලබාගෙන තිබූ වෙළඳපල කොටස ඉක්මවා යෑමට එම සමාගම් සමත් වී ඇති අතර Oppo සහ Vivo සමාගම 1% බැගින් තම වෙලඳපල කොටස අහිමි කරගෙන තිබෙනවා. නමුත් ඔවුන් තවමත් ලොව වැඩිම දුරකතන අලෙවි කල සමාගම් වල ලැයිස්තුවේ ප්‍රථම ස්ථාන 5 අතර රැදී සිටීමට සමත්ව තිබෙනවා.
Source: Canalys
