WWDC22 event එක ජුනි මස 6 වන දින ආරම්භ වන බවට Apple සමාගම තීරණය කරයි
![WWDC22 event එක ජුනි මස 6 වන දින ආරම්භ වන බවට Apple සමාගම තීරණය කරයි](/content/images/size/w1200/2022/04/Apple-schedules-WWDC-2022-from-June-6-to-June-10.jpg)
Apple සමාගම විසින් ඔවුන්ගේ Worldwide Developers Conference (WWDC) එක සඳහා දින තීරණය කර තිබෙනවා. මෙය ඔවුන්ගේ 33වන සමුළුව වන අතර මෙමඟින් ඔවුන්ගේ නව මෘදුකාංග යාවත්කාලීන කිරීම් එළිදැක්වීම සිදුකරනු ලබනවා.
WWDC 2022 event එක ජුනි 6 සිට ජූනි 10 දක්වා ආරම්භ වන බව Apple සමාගම විසින් තහවුරු කර ඇති අතර කෙසේ වෙතත් මෙවරත් මෙය Virtual අකාරයට පැවැත්වීමට කටයුතු සූදානම් කර තිබෙනවා.
මෙහිදී හඳුන්වා දෙන මෘදුකාංග යාවත්කාලීන කිරීම් සහ විශේෂාංග පිළිබඳව සංවර්ධකයින් සඳහා තොරතුරු ලබා දීම සහ Lab previews ලබා දීම සිදුකරනු ලබනවා. උත්සවය සම්පුර්ණයෙන්ම ඔන්ලයින් පවත්වනු ඇතත්, සීමිත developersලා සහ සිසුන් සංඛ්යාවකට ජුනි 6 වන දින කැලිෆෝනියාවේ කුපර්ටිනෝ හි key note එක දැක බලා ගැනීමට අවස්ථාවක් ලබා දීමට කටයුතු කර තිබෙනවා.
![](https://backend.androidwedakarayo.com/content/images/2022/04/image-1.png)
Apple හි Developers ලාට අමතරව, ඔවුන්ගේ Swift Student challange එක හරහා Coding කිරීමට කැමති බාහිර Developers ලා සඳහාත් මෙයට සහභාගී වීමට අවස්ථාව ලබා දී තිබෙනවා. ඒ සඳහා තමන් කැමති මාතෘකාවක් මත swift playground app project එකක් නිර්මාණය කර අප්රේල් 25ට පෙර ඔවුන්ගේ වෙබ් අඩවිය වෙත ඉදිරිපත් කළ යුතු වනවා.
මේ හැරුණු විට, සියලුම Apple software skins වල අලුත් versions ලෙස iOS 16, iPadOS 16, watchOS 9, macOS 13 සහ tvOS 16 මෙම event එකේදි Apple සමාගම විසින් තොරතුරු එළිදක්වනු ඇතයි බලාපොරොත්තු විය හැකිවනවා. ඊටත් අමතරව දැනට ලැබෙන තොරතුරු වලින් MacBook Air හෝ Apple silicon Mac Pro යන Device දෙකෙන් එකක් එළිදැක්වීම මේ event එකේදී බලාපොරොත්තු විය හැකිවනවා.
Source: Gizmochina